КАЛАСЕ, "МАРИЙ ЭЛ"

Переписчиклан кушко йодын мийыман?

Тений Российысе калык переписьлан ямдылалтме да тудым эртарыме годым переписчик-шамыч кӱлыт манын колынам ыле. Переписчик лияш шонышо еҥлан кушко йодын мийыман, тидын нерген уверым кумданрак кушто пален налаш лиеш?

А.Соколова

Йошкар-Ола.

Йодышлан 2020 ийысе Всероссийский калык переписьын контрольёржо Е.Н.Морозова вашешта:

– Переписьым эртарыме марте эше жап уло гынат, Маристатыш, Кремлёвский уре, 71-ше №-ан пӧртыш, 113-шо кабинетыш кызытак толын регистрироватлалташ але p12_vpn2020@gks.ru электрон адрес дене йодмашым колташ,  8 (8362) 42-66-85 телефон номер дене йодын умылаш лиеш. Йодмашыште лачшымак кушто, районышто але олаште переписчиклан пашам ышташ шонымо нерген палдараш мондыман огыл.

Йодмашым пуышо еҥым тылеч вара веле ВПН-2020 компанийыште переписчик семын пашаш ушнышо посна тӱшкашке ешарат. Перепись тӱҥалме деч ик тылзе ончыч, а лачшымак сентябрьыште, тыланда йыҥгыртат да пашам ышташ шонымыда нерген эше ик гана рашемден йодыт.

Р.ЧЕПАКОВА

Опубликовать в Одноклассники

Добавить комментарий