Землякна биатлонист Надежда Белкина Казахстаныште тунямбал теле Универсиадыште вийжым терга.
Универсиаде 29 январьыште почылтын.
Провой кундем удыр, Надежда, Украинын сборныйжын чапшым арала.
31 январьыште 15 километрыште Надежда бронза медальын озаже лийын. Кумшо верым тудо ныл вере луйылтман кужытышто налын.
Палаш: тиде тургымышто марий удыр биатлон дене тунямбал кубокын ик этапыштыже вийжым терген да тыгак IBU (биатлонист-влакын тунямбал ушемышт) кубокын икмыняр стартыштыже 104 очком поген.
Биатлон дене танасымаш тыгай кечылаште лиеш:
2 февраль – спринт,
3 февраль – преследований,
5 февраль – смешаный эстафете,
7 февраль – тушка старт.
Танасымашым «Матч-ТВ», «Евроспорт» телеканал дене ончаш лиеш.
