СОЦИАЛЬНЫЙ ИЛЫШ ЯЛ ИЛЫШ

Полышышт суапле

Морко районысо калыкым социально обслуживатлыше комплексный рӱдер кугыжаныш бюджет учрежденийын пашаеҥже-влаклан мӱндыр да изи яллашке лектын кошташ йӧн ешаралтын.

Тиде учрежденийын директоржо Р.Гиниятован мутшо почеш, у машинам кодшо ий мучаште «Демографий» национальный проект кышкарыште ойыреныт.

— Ынде тиде машина дене мемнан пашаеҥна-влак кеч-могай игечыштат, луман-йӱран годымат, уда корнан ялышкат лектын коштыт, — каласкала Рамзия Рафкатовна. – Рўдерын еҥже-влак мӧҥгыштӧ социальный полышым пуышо пашаеҥ-влакын кузе тыршымыштым тергат, аклат, кӱлеш годым ой-каҥашым пуат. Ме тыгак инвалид-влакланат кӱлеш полышым пуэна, нелылыкыш логалше, тыгак сай огыл шӱлыш озаланыме, учетышто шогышо шуко икшываан еш-влакым тергена, законым умылтарена, правашт, льготышт нерген каласкалена.

Ме Ильинский почиҥгаште да Кожлаер ялыште лиймына годым тиде рӱдерын пашаеҥже-влак И.Григорьевам, Е.Беткинам, А.Семеновам вашлийна. Ильинский почиҥгаште, мутлан, 81 ияш Г.Зозимова деке толыныт ыле. Галина Ивановна шкетын кодын. Кок ӱдыржӧ Москваште илат, тыгак ик эргыже уло. Икшыве-влак авашт деке толын каят гынат, социалный пашаеҥ мӧҥгыжӧ полышкалаш коштеш.              

— Мыланна ик кечыште ятыр ешыште, тыгак шкет илыше шоҥгыеҥ-влак дене лияш перна, — каласкала комплексный рӱдерын пашаеҥже А.Семенова. – Южгунам нелылыкат лектеш, поснак пий-влак деч аралалташ перна. А такшым мемнам утларакше шоҥгыеҥ-влак вучат, нунын дене мутланен колтет, кумылыштым нєлталат, вет поро шомак деч шергыже мо уло гын.

В.СМОЛЕНЦЕВ

Снимкыште:

рӱдер пашаеҥ-влак И.Григорьева,

Е.Беткина, А.Семенова.

Авторын фотожо

Опубликовать в Одноклассники

Добавить комментарий