УВЕР ЙОГЫН

Ӱшанлан чарак уке

Апрель мучаште Советский район Кундыштӱр психоневрологический интернатыште (тудо Зеленый поселкышто верланен) «Целительница» Юмын Ава лӱмеш кумалме пӧлемым почыныт.

Юмын шӱлышым пуртымо йӱлам Йошкар-Олан да Марий архиепископ Иоанн эртарен. Тудлан Пригородный черке округын настоятельже Николай Ярошевич да Шнаран черкын настоятельже Валентин Пылаев полшеныт. Протоиерей Пылаев ынде 15 ий наре интернатыште илыше-влаклан полшен шога. Тиде жапыште молебеным тудо посна ойырымо пӧлемлаште эртарен. У пӧлемым почаш прихожан-влакын да посна еҥ-влакын окса надырыштым кучылтыныт. Мероприятий Йошкар-Оласе Тройчын черке хорын изирак концертше дене мучашлалтын.

Черкыште марла кумалыт

Йошкар-Оласе да Марий архиепископын благослованийже почеш Йошкар-Оласе Православный рӱдер пеленсе кугу Княгиня Елисавета лӱмеш домовой храмыште кумалтышым марла эртараш тӱҥалыныт.

Тыгайже кажне кок арнялан ик гана шочмо еда тыгайже лиеш. 15, 29 майыште,  12,  26 июньышто марла кумалтышыш миен кертыда.

С.Носова

Опубликовать в Одноклассники

Добавить комментарий