У Торъял районысо Элымбай селаште «Богатырская силушка» пайрем эртен.
Тудым Андрей Критскийын храмжын настоятельже протоиерей Сергий Баженов организоватлен. Идалык ончыч тушто «патыр-влакын заставышт» ышталтын. Акрет Русьын историйже, атмосферже гоч кызытсе ӱдыр-рвезе-влакым илаш, пашам ышташ, канаш туныктат. Пайрем мероприятий-влак деч ончыч Кугу Отечественный сарыште сеҥымылан тауштым молебен эртен. А вара патыр-влакын таҥасымашышт тӱҥалын. Пайремыш толшо-шамычлан тӱрлӧ конкурс эртаралтын. Ойыртемалтше-влакым пайрем чес да пӧлек вученыт.
С.Носова.
