СПОРТ

Москошто вийжым терга

Апрель мучаште Озаҥ олаште Юл кундемысе самырык фигурист-влак коклаште кастинг эртен. Тушко «Йоча-влак ий ўмбалне. Шўдыр-шамыч» проектыш ойырен налыныт.

Жюриште Илья Авербух лийын. Тудын дене пырля ий ўмбалне куштымаш дене Россий сборныйын старший тренерже Михаил Стифунин пашам ыштен.

Йошкар-Ола гыч фигурный мунчалтымаш дене спорт школын воспитанникше-влак Дарья Садкова ден Агнета Латушкина вийыштым тергеныт. Судья-влаклан нунын выступленийышт келшен.

– Ойыраш куштылгыжак лийын огыл. Поснак ўдыр-влак коклаште неле ыле. Эсогыл ты гана сеҥышым шукемдаш манын темленыт, но правилым пудыртен онал. Тыге кум ўдыр ден кум рвезым проектыш налынна, – палемден. И.Авербух.

Марий Эл спорт министерствын увертарымыж почеш, проектын полуфиналышкыже Йошкар-Ола гыч Агнета Латушкина логалын.

Тудыжо 18-21 майыште Москошто эрта.

Е.Эшкинина.

Опубликовать в Одноклассники

Добавить комментарий