УВЕР ЙОГЫН

Сӱретлен моштет гын

Тений 1-31 октябрьыште Россий мучко калык перепись лиеш. Тидын вашеш официальный сайт переписьын талисманжылан конкурсым увертарен.

Сеҥышылан 60 тӱжем теҥгем пуат. Конкурсыш дизайнер, сӱретче, творческий шӱлышан кажне еҥ ушнен кертеш. Иктым гына шотыш налман: талисман  — тиде объект (айдеме, янлык, кушкыл, арвер да т. м.). Тудым логотип дене лугыман огыл. Талисман негызеш вара сувенир фигурым, курчакым, пушкыдо модышым ыштат.

Конкурсыш колтымо пашам  Всероссийский переписьын официальный сайтышкыже колтыман. Ик автор талисманын кум вариантшым темлен кертеш. Сеҥышым интернет-йӱклымаш гоч кок кужыт дене ойыраш тӱҥалыт. Икымше кужытышто сеҥыше-влак шорт-листыш пурталтыт. Кокымшо кужытышто паша-влакым организатор ден партнер, профессиональный сӱретче ден дизайнер-влак аклаш тӱҥалыт.

С.НОСОВА

Опубликовать в Одноклассники

Добавить комментарий