УВЕР ЙОГЫН

Пеш шучко чер

Республикыштына грипп дене черланыме икымше случайым регистрироватлыме.

А (H1N1/09) грипп дене Йошкар-Олаште илыше еҥ черланен. Тудо грипп дечын прививке кампаний эртыме годым вакцинироватлалтын огыл. 

Январь тылзын кокымшо арняштыже ОРВИ 1500 утла еҥым авалтен, тидыже икымше арня деч 7,9 процентлан шукырак, но эпидемий лондем деч 46,7 процентлан ӱлнырак.

Марий Элын Тазалыкым аралыме министерствыжын шижтарымыж почеш, грипп дене черланыме икымше случайым регистрироватлыме гын, тугеже эпидемият лишемеш. Черланымеке, лучо мӧнгыштак кодаш да врачым шке деке ӱжыкташ. Тӱҥжӧ – шке семын эмлалташ огыл, а специалистын темлымашыжлан эҥерташ, вет грипп – пеш шучко чер.

М.ИВАНОВА

 

Опубликовать в Одноклассники

Добавить комментарий