УВЕР ЙОГЫН

Ошма дене сӱретленыт

«Песочница» ошма анимаций студийыште Йошкар-Оласе калыкым социально обслуживатлыме комплексный рӱдер пеленысе «Преображений» клубын участникше-влак мастер-классым онченыт.

 Самырык инвалид-влак тӱрлӧ тӱсан тул дене волгалтарыме ӱстембалне ошма сӱрет техникылан тунемыныт. Сӱретым ошмаште кид дене ыштыман. А ошмаже мыняр тыгыде, сӱрет тунар сӧрал лектеш. «Ошма терапий» ушым пудыратылаш, нервым лыпландараш полша.

Сылне студийыште эртыше мастер-класс участник-влакын ушыштышт кужу жаплан кодеш, вет нуно усталыкыштым вияҥдыме деч посна эше шӱм-чоныштым кандареныт, парняштым лывыртеныт.

М.ИВАНОВА

Снимкыште: мастер-класс чылалан келшен.

Фотом Марий Элын Социальный вияҥмаш

министерствыжын сайтше гыч налме

Опубликовать в Одноклассники

Добавить комментарий