ЮРИСТ УМЫЛТАРА

Школ налшаш огыл мо?

Школышто ача-ава-влакын погынымаштышт класс вуйлатыше ача-ава-шамычлан шергакан паша тетрадьым шкаланна налаш кӱлеш манын увертарен. Закон почеш тыгак лийшаш мо?

С.Моисеева

Йошкар-Ола.

 — «РФ-ште образований нерген» федеральный закон почеш, кугыжаныш федеральный образовательный школ деч ончычсо, тӱҥалтыш общий, тӱҥ общий да кыдалаш общий стандарт-влак дене келшышын, кажныже оксам тӱлыде тунем кертеш. Ты закон денак келшышын, федерал бюджетын, РФ субьект-влакын бюджетышт, верласе бюджет ассигнований кӱшеш шинчымашым налше тунемше-влаклан федеральный кугыжаныш образовательный стандарт, образовательный пашам вораҥдыше организаций-влакын образовательный стандартышт кышкарыште учебник ден тунемме пособийым яра пуышаш улыт, тыгак тунемме-методике материалым, воспитатлыме да туныктымо средствым. Учебник ден тунемме пособийым ситарыме йодыш РФ субьект-влакын расходный обязательствыштлан шотлалтеш. Паша тетрадь тунемме пособийлан шотлалтеш. Тудо йочалан предметым тунеммаште самостоятельный пашам ышташ полша. Паша тетрадь учебникым ни ок ешаре, ни ок алмаште, тунемше  тетрадьыштак заданийым шукта. Закон почеш, учебник ден тунемме пособийым ситарыме шотышто йодышлан общеобразовательный школ вуйын шога. Сандене паша тетрадьым ача-авам налаш йодмаш законлан тореш кая.

С.НОСОВА

Опубликовать в Одноклассники

Добавить комментарий