Тений гыч налог службылан больничныйыште лиймылан окса шотышто справкым социальный страхований фондыш шке миен налман маныт. Чын мо?
А.Кириллова.
Советский район.
Тений гыч Марий Элыште «Прямые выплаты» пилотный проект илышыш шыҥдаралтеш. Жаплан пашам ыштен кертдыме да ава лийме дене кылдалтше случай годым пособийым ынде Марий Элыште Социальный страхований фонд пашам ыштыше граждан-влакын лицевой счётышкышт вигак колта. Ик эн тӱҥ вашталтышыже теве могай. Ынде шотлен лукмо пособий дене кылдалтше 2-НДФЛ справкым ынде паша верыште огыл, а Социальный страхований фондын региональный отделенийыштыже налман. Тидлан возымо йодмаш дене лекман, ФИО-м, СНИЛС-м, паспорт данныйым, паша верым, илыме верым ончыктыман.
Но тидым ФССС сайтын личный кабинетыштыжат ышташ лиеш, увертарат фонд пашаеҥ-влак. Йошкар-Олаште илыше-влак справкым 1 февраль гыч тыгай адрес дене налын кертыт: Марий Эл, Йошкар-Ола, Сеҥымаш бульвар, 16-шо №-ан пӧрт, 102-шо кабинет. Районлаште фондын региональный подразделенийже-влак улыт. Лекше йодышым (8362) 69-20-80,(8362) 69-20-45 телефон номер дене рашемдаш лиеш.
С.НОСОВА
