МАРИЙ ТӰНЯ

Шочмыжлан — 110

26 январьыште Санкт-Петербургысо Келшымаш пӧртын кугу конференц-залыштыже «Четкарёв лудмаш» кугу мероприятий эртышаш.

Тудо лӱмлӧ марий шанчыеҥ Ксенофонт Архипович Четкарёвын шочмыжлан 110 ий теммылан пӧлеклалтеш. Лудмашым Ленинград областьысе марий-влакын «Ший корно» калыкле-тӱвыра автономийышт эртара.

К.Четкарев марий-влак кокла гыч гумманитарный наукышто учёный кандидатын степеньжым ик эн ончыч налын. Тудо этнографийым, фольклорым, сылнымутым, религийым шымлен, писатель семынат палыме лийын. СССР писатель ушемыштат шоген.

Мероприятийыште ученыйын илыш корныжо, пашаж нерген каласкалыше ончер почылтеш. Тудым ямдылымаште эргыжын, писатель да публицист Вячеслав Четкарёвын, надыржым палемдыман. Лач тудо кызыт ачажын архившым арала, возен кодымо пашаже-влакым шымла.

 

С.НОСОВА

Опубликовать в Одноклассники

Добавить комментарий