УВЕР ЙОГЫН

Пырыс дене кылдат

Тений 27 июньышто Марий Элын Молодёжный политике, спорт да туризм министерствыже Йошкар-Олаште «Российын пырыс картыже» (рушлаже «Котокарта России» йоҥга) географий проектым презентоватлаш палемден.

Тидын нерген «Сказочная карта России» сайт увертара. Проект мемнан элысе «лӱмлӧ» пырыс-влак нерген каласкалыше, палдарыше, ончыктышо  тоштер, скульптур, вер дене кылдалтше уверым чумырышаш. Чылаже 40 наре тыгай объект уло, ӱшандарат проектын авторжо-влак Москва гыч Алексей Козловский да Йошкар-Ола гыч Вадим Кабанов. Мутлан, Крымыште — Пырыс курык, Москваште — Пырыс тоштер, Йошкар-Олаште — Йошкин пырыслан олымбал. Ончыктен кодыман, кодшо идалык мучаште «Идалыкын турист маршрутшо» всероссийский конкурсышто Йошкар-Оласе Турист-увер рӱдерын темлыме «Прогулки с Йошкиным котом» маршрутшо кумшо верым сеҥен налын ыле. 

С.НОСОВА

Опубликовать в Одноклассники

Добавить комментарий