КУЛЬТУР ДА ИСКУССТВО

У тӱвыра пӧрт – У ийлан чапле пӧлек

«Тӱвыра» национальный проект дене келшышын эртыше ийыште районласе вич тӱвыра пӧртым уэмден олмыкташ палемдыме ыле.

30 декабрьыште Курыкмарий районысо Виловат кундемыште илыше-влакланат куанаш амал лийын: у тӱсым налше тӱвыра пӧртым торжественно почыныт. Тушто Курыкмарий район администраций вуйлатыше Н.Арганякова, район вуйлатыше С.Першуткин, Виловат ял шотан илем администраций вуйлатыше Э. Геворгян да Курыкмарий районысо рӱдӧ клуб системе вуйлатыше Д.Захаров  лийыныт.

Пайремыш погынышо-влаклан Д.Захаров республикын тӱвыра, савыктыш да калык паша шотышто министр К.Ивановын саламлыме шомакан телеграммыжым лудын пуэн.   

Тиддеч вара чапле концерт эртен. Тушто Виловат кундемысе усталык коллектив ден курыкмарий эстраде артист-влак мастарлыкым ончыктеныт.

Палемдыман, проект окса дене культур пӧртын леведышыжым вашталтеныт, пластик окнам шынденыт, пожарым йӧртышо автоматический установкым монтироватлыме шотышто паша ышталтын. А «Единая Россия» партийын «Шочмо кундемын тӱвыраже» проектше полшымо дене музык да тул оборудованийым налыныт.

 

А.БАЙКОВА

Опубликовать в Одноклассники

Добавить комментарий