Республикын Правительствыштыже
Паша гыч кораҥден
5 майыште Марий Эл Республикым Вуйлатышын пашажым жаплан шуктышо Александр Евстифеевын Указше дене Марий Эл Республикын Правительстве председательжын алмаштышыже Гульфия Габдул-Бариевам, Марий Эл Республикын юстиций министрже Татьяна Григорьевам, Марий Эл Республикын Правительстве председательжын алмаштышыже, социальный вияҥмаш министр Надежда Климинам, Марий Эл Республикын Правительстве председательжын алмаштышыже пашам жаплан шуктышо, ялозанлык да продовольствий министр Александр Красновым, Марий Эл Республикын кугыжаныш пого министржын пашажым жаплан шуктышо Виктор Мусиным, Марий Эл Республикын образований да науко министрже Галина Швецовам, а 10 майыште Марий Эл Республикын спорт министрже Сергей Кивериным паша гыч кораҥдыме. Марий Эл Республикым Вуйлатышын пашажым жаплан шуктышо Александр Евстифеевын 10 майысе Указше дене Марий Элын юстиций министржын пашажым жаплан шуктышылан Владимир Тарасовым шогалтыме. Ялозанлык да продовольствий министерствым Юрий Сидыганов вуйлаташ тӱҥалеш. Марий Эл Республикын социальнй вияҥмаш министржын пашажым жаплан шукташ ончыч министрын икымше алмаштышыжлан ыштыше Наталья Шуплецовалан ӱшаныме, кугыжаныш пого министрлан Наталья Севостьяновам, образований да науко министрлан Наталья Адамовам, спорт министрын пашажым жаплан шуктышылан Иван Гребневым шогалтыме.
Е.Садовин.
