Преподаватель Л.Шабрукован вуйлатымыж почеш Йошкар-Оласе медицине колледжын лечебный отделенийыштыже тунемше ӱдыр-рвезе-влак «Волонтёр-медик-влак» мер толкын кышкарыште Медведево районысо Азаново участковый больницын паллиативный отделенийыштыже лийыныт.
Отделенийым вуйлатыше Н.Лебедева ден кугурак медсестра А.Морозова ончыкылык фельдшер-влакым паллиативный отделенийын историйже, медперсоналын паша ойыртемже дене палдареныт.
Медсестра-шамычын вуйлатымышт почеш волонтёр-влак икмыняр пациентым мушкыныт, южыштын ӱпыштым тӱредыныт, пондашыштым нӱженыт, памперсыштым, вакшыш шартышыштым вашталтеныт, тыгак перевязкым ышташ, пукшаш полшеныт.
М.ИВАНОВА
