Экологий идалык
Йўлемыште – пўнчӧ озым
«Мариэнергон» пашаеҥже-влак ончычсо йўлемыште пушеҥгым шындыме экологий акцийым почмашке ушненыт. Тиде акцийже республикнан ик сӧрал, но 2010 ийыште чодыра пожарлан кӧра эҥгекыш логалше верыште, Карась ер воктене, эртен.
Тунамсе шучко жапым энергетик-влакат сайын шарнат, сандене йўлемыште угыч чодырам шындаш ўжмашлан ик эн ончыч вашештеныт. Нуно ынде икымше ий веле огыл тыгай суапле пашаш ушнат. Тиде ганат 4000 утла пўнчӧ озымым шынденыт.
Тенийсе Экологий идалыкыште ты пашам нуно весе шот денат кўлешанлан шотлат. Республикыштына нунын шупшмо электролиний ятыр вере чодыран верла дене эрта. Электровий кўрылтыш деч посна да ўшанлын толын шогыжо манын, линий шуйналтме пысманым эрыктен да кумдаҥден шогыде ок лий. Тыгодым шагал огыл пушеҥгым руаш перна. Олмешыже нуно вес вере, йўлемыште, пушеҥгым шынден, чодырам куштат.
«Мариэнергон» специалистше-влак, шке порысыштым шуктен, молымат ты суапле пашаш ушнаш ўжыт.
Ю.Исаков.
Снимкылаште: энергетик-влак пушеҥгым шындат.
