УВЕР ЙОГЫН

Тӱрлӧ калыкын шке сылнештарышыже

5-6 декабрьыште Йылмым, сылнымутым, историйым шымлыше В.М.Васильев лӱмеш марий институтышто «Юл кундемысе финн-влакын акрет илышышт» шанче семинар нылымше гана эртен.

Тудым Российысе науко академий, МарНИИЯЛИ да Марий кугыжаныш университет иквереш эртареныт. Тиде семинарыште  молгунамсе семынак Юл кундемысе финн-влакын памятникыштым археологий велым шымлымаш  гоч налме, тоштер ден архивлаште верештме у увер, чумырымо материал-влак дене палдареныт да каҥашеныт. Кажне тыгай семинар шымлыме пашаште жаплан келшыше у методикым кучылтмаш дене кылдалтше у тематикылан пӧлеклалтеш.

Тений мутланымаш «Кокла курымысо пагытыште илыше Юл кундемысе финн-влакын вургемыштыт цветной металл гыч сылнештарыш-влак» йодыш йыр каен. Семинарыш Москва, Санкт-Петербург, Озаҥ, Пенза, Пермь, Чебоксар, Нижний Новгород, Венгрий гыч вӱдышӧ шанчыеҥ-влак ушненыт.  Кажне калыкын вургемыштыже кучылталтше сылнештарыш-влак нунын тӱвыраштын ик эн сайын палдырныше индикатор семын аклалтыт. А нуным шымлыме паша акрет годым илыше финн-влакын культурно-исторический негызыштым почын пуаш полшат.

 С.НОСОВА

Опубликовать в Одноклассники

Добавить комментарий