Кодшо арня мучаште Киров олаште гармоньым шокташ йӧратыше-влакын «Вятские-хватские» фестивальын гала-концертше эртен.
Тушто Российын тӱрлӧ регионжо гыч участник-влак мастарлыкым ончыктеныт. Нунын коклаште Курыкмарий кундемыште шочын-кушшо, уста гармоньчо, Россий культурын сулло пашаеҥже Арсений Яйцоват лийын, марий мурым да весела куштымаш сем-влакым шоктен.
А.БАЙКОВА
Е.Елькинан фотожо
