Россий Пенсий фондын Марий Элысе пӧлкажын Советский районысо клиент службыштыжо тенийсе декабрь электрон черетын пашам ышташ тӱҥалмыж дене ушеш кодеш.
Электрон черет – проста да йӧнан. Холлыш вераҥдыме терминалыште клиент кӱлеш услугым палемда да тидлан талоным налеш. Вараже тудым номер дене палемдыме окнаш ӱжыт.
Электрон системе клиент службыш толшо калыкын йогынжым чын виктараш, могай услуго дене пайдаланымыжым рашемдаш, пашаеҥын статистический данныйжым налаш полша.
Советский районышто илыше-влак электрон черетын пайдалыкшым акленат шуктеныт: тудын пашам ыштыме икымше кечынак терминал 63 талоным пуэн, а чӱчкыдын йодмо услуго пенсийым кондыштарыме йӧным вашталтыме дене кылдалтын.
Россий Пенсий фондын Марий Элысе клиент службылаштыже таче кечылан электрон черет системым кандаш муниципальный образованийыште шындыме.
М.ИВАНОВА
