Кодшо кечылаште Марий Эл Республикын Арбитраж судшо Йошкар-Ола муниципал образованийын (ола администрацийын муниципал пого дене пайдаланыме шотышто комитет лӱм дене) ола мунициапл образованийын «Телекомпания 12 регион» ООО-м мут кучаш шогалтыме нерген ходатайствыж шотышто решенийым луктын.
Истец 2016 ийыште январь гыч май марте жапыште мланде участкылан аренде договор почеш 2 564 897 теҥгеат 84 ыр парымым, 2016 ий 28 июнь гыч 2017 ий 31 январь марте жаплан 274 778 теҥге неустойкым тӱлыктышаш нерген судыш пуэн. «Телекомпания 12 регион» ООО-н тӱрыс парымже
2 839 676 теҥгеат 18 ырыш погынен. А тидын марте парымым пӧртылташ организаций эре мут дене гына сӧрен улмаш. Тиде амал дене олан бюджетышкыже ик тенгеат пурен огыл. Ынде суд решенийым луктын: тиде обществын оксажым, тидын годымак ончыкыжым банк счетлашкышт пурышо оксамат, тыгак иск йодмаште ончыктымо кугытлык моло погыжымат арестоватлаш.
Судын тиде определенийжым ответчик Икымше арбитражный апелляционный судыш налме кече гыч тылзе жапыште Марий Эл Республикын Арбитраж судшо гоч обжаловатлен кертеш.
Л.Камалетдинова.
