Йочасадыште пайрем годым фотограф икшывем мыйын разрешений деч посна войзен. Кеч мый тидым ышташ огыл манын чаренам. Санденак рашемдынем: мый тудым мут кучаш шогалтен кертам мо?
Е.Никифорова
Медведево поселко.
— РФ Граждан кодекс дене келшышын, гражданинын изображенийжым тӱшка калыклан ончыкташ да тудым кучылташ (тыгак тудын фотографийжым, видеозаписьым але изобразительный искусство произведенийым, кушто тудо ончыкталтын) гражданин келша гын веле лиеш. Но тудын келшымыже огеш кӱл, кунам:
— гражданинын изображенийжым кеч-кӧланат пурен коштмо верыште але публичный мероприятийыште (собраний, погын, конференций, концерт, спорт да тыгайрак сынан мероприятий) годым ыштыме. Исключенийлан тугай случай шотлалтеш, кунам изображенийже тӱҥ объект семын ойырен налалтын. Йоча пайрем публичный мероприятийлан шотлалтеш, тидлан кӧрак икшыве-влакым фотографироватлаш ача-аваштын, законный представительыштын разрешенийышт деч посна лиеш. Сандене фотограф законодательствым пудыртен огыл, те тудым мут кучаш шогалтен огыда керт.
С.НОСОВА
