УВЕР ЙОГЫН

Рӱдерлан – 25 ий

Звениговысо «Мечта» тӱвыра да каныме рӱдерлан 25 ий темын. Тидын лӱмеш кодшо кечылаште кугу пайрем эртен.        

Погынышо-влаклан «Шӱдыр уна-влак» «аллейыште» фотографий-влакым ончаш темленыт. Тыгак интерактивный площадке пашам ыштен. Тушто еҥ-влак «Кафе-шопыш» да  «Фотосушкыш» «пурен лектын» кертыныт.

Торжественный ужашыште рӱдер пашаеҥ-влакым Звенигово район администраций вуйлатыше В.Геронтьев, Звенигово ола администраций вуйлатыше Т.Цыганова, икмыняр моло саламленыт.

Тылеч вара тӱвыра да каныме рӱдер пеленсе коллектив-влак шке мастарлыкыштым ончыктеныт. Кажне ансамбль ден группо, мурышо-влаклан, тыгак рӱдерын чыла пашаеҥжылан посна номинаций дене дипломым да пеледыш аршашым кучыктеныт.

Пайрем тулсавыш дене мучашлалтын.

Л.Камалетдинова.    

Опубликовать в Одноклассники