Марий Элыште «Демографий» национальный проектын «Йоча шочмо годым ешлан финанс дене полшымаш» региональный проектшым илышыш пуртымо кышкарыште 2019 ий 1 ноябрь йотке 521,8 млн. теҥгем кучылтмо, ты суммо гыч 484,3 млн. теҥгежым федеральный бюжет ойырен, 37,5 млн. теҥгежым – республикын бюджетше.
Палемдыме суммо гыч 308,9 млн. теҥгежым ешыште кумшо да тылеч моло йоча шочмо годым икшывын кум ияш лиймешкыже тылзе еда тӱлыман окса выплатылан кучылтмо (тудым 4 001 еш налын), 200,1 млн. теҥгежым – икымше йоча шочмо (але тудым эргылыкеш, ӱдырлыкеш налме) годым тылзе еда тӱлыман выплатылан (тудым 2 611 еш налын), 12,8 млн. теҥгежым – нылымше да тылеч моло йоча шочмо (але тудым эргылыкеш, ӱдырлыкеш налме) годым ешлан финанс дене полшымо шот дене ава капиталлан (тудым 218 еш налын).
М.ИВАНОВА
