Кодшо кечылаште Звенигово олаште, «Водник» стадионышто, «Зарница Поволжья» военно-спортивный модмаш эртен.
Таҥасымашке районысо 9 школ гыч 7-ше ден 9-ше класслаште шинчымашым погышо 90 наре ӱдыр-рвезе ушнен. Нуно историйым палымыштым, Калашниковын автоматшым рончен да поген моштымыштым ончыктеныт, лӱйкаленыт, куржталыныт, турникыште шкем нӧлтеныт, строй дене коштыныт. Пытартышлан марш-бросок лийын. Туштат тунемше-влак писылыкыштым, моштымашыштым да вийыштым тергеныт.
Таҥасымаште Шолэҥер, Мочалище да Кужмарий школ-влакын командышт ончыл радамыш лектыныт.
Л.Камалетдинова.