УВЕР ЙОГЫН

«Ава муро гае…» 

Кодшо рушарнян Аван кечыжлан пӧлеклалтше пайрем касым республикысе Марий тӱвыра рӱдер да «Саскавий» марий удырамаш ушем «Мари» сийгудышто эртареныт.

 Тушто шуко шочшан ава-влакын «Ава муро гае…» конкурсышт эртен. Тушко « Марий Эл» газетын журналистше Алевтина Байковат ушнен. Тудын дене пырля эше ныл ава шкешт дене палдареныт, мастарлыкыштым, койыш-шоктышыштым ончыктеныт. Тиде  – самырык поэтессе Надежда Моисеева-Эмыкан, Марий кугыжаныш университетын бухгалтерже Людмила Николаева, эмлызе Маргарита Тойшева да О.Ипай лӱмеш премийын лауреатше Светлана Яндукова. Мутат уке, кажне участницыже сай ава, пелаш, кажныже илышын ты але вес сферыштыже сай кӱкшытыш шуаш тырша.

Мемнан Алевтинат газет лаштыклаште тӱвыра ден искусство йодышым кумдан почын ончыкта. Андрей пелашыж дене пырля кум шочшым ончен куштат. Куанен палемдена: Алевтина конкурсышто икымше верым сеҥен налын. Кокымшо ден кумшо Надежда Моисеева ден Маргарита Тойшева лийыныт. Светлана Янкдукова «Эн усталык шӱлышан», а Людмила Николаева «Мастар озавате, йӧратыше ава» номинацийлаште ойыртемалтыныт. Сеҥыше-влаклан диплом ден шарнымашан пӧлекым кучыктеныт.  

 С.НОСОВА

 С.Пехметован фотожо.

Опубликовать в Одноклассники

Добавить комментарий