Волжск ола гыч Артём Коровин байдарке да каноэ дене куэн (гребля) таҥасымаште 10 тӱжем метрыште Российын кубокшым сеҥен налын.
Спортсмен-влак 24 ноябрьыште Краснодарыште вийыштым тергеныт.
Шкет таҥасымаште тренер А.Мещеряковын воспитанникше 10 километрым 40 минутат 48,22 секундышто эртен. Кокымшо призёрым тудо 13 секундлан эртен, а кок тӱжем метр кужытышто рвезе кандашымше верыш лектын. Тушто элнан 31 регионжо гыч 64 спортсмен вийжым терген.
Тўнямбал первенствын бронзо призёржо А.Коровиным меат шокшын саламлена да тазалыкым, ончыкыжымат сай результатыш шуаш тыланена.
Е.ЭШКИНИНА
