ТАЗАЛЫК

Жапым ит шуйкале!

Европышто 2013 ий гыч кажне шыжым ВИЧ ден гепатитлан тергалтме арня эрта. Тӱнямбал акцийын шонымашыже – калыкым инфекциян чер дене черланен кертме деч тергалташ кумылаҥдаш.

 Чаманен палемдыман, таче Европышто ВИЧ-инфекций дене илыше 2,2 миллион еҥ гыч 25 процентше тиде чер дене черланымыжым ок пале. Тиде чот гыч пелыжлан шучко диагнозым пеш вараш кодын шындат, сандене эмлашат почеш кодын тӱҥалыт. Гепатит гын шкенжым палдарыде вияҥеш, хроническийыш савырнымекыже мокш циррозын тӱҥ амалже лиеш.

Инфекцийын вияҥмыжым тӱҥалтыш йыжыҥыште рашемдаш да врач деке жапым шуйкалыде каяш гын, тазалыкым лунчыртен кертше нелылылык деч утлашат лиеш. 

Марий Элыште илыше-влак ВИЧ дене черланен кертмыштым чылт яра терген сеҥат. СПИД да инфекциян чер деч профилактикым эртарыме, нунын дене кучедалме республиканский рӱдерыште (Йошкар-Ола, Келшымаш урем, 95-ше пӧрт) кажне еҥ шуматкече-рушарня деч моло кечын 8 гыч 16 шагат йотке ВИЧ-ын антителажлан вӱрым сдатлен кертеш. 14 ияш марте йочам закон дене палемдыме еҥжын йодмыж але келшымыж почеш тергат.

СПИД-рӱдерын ӱшан телефонжо: 23-20-44.

М.ИВАНОВА  

Опубликовать в Одноклассники

Добавить комментарий