Йошкар-Олаште культур да каныме рӱдӧ паркыште олан символжым, пычкемыш жапыште чинчын-вунчын йылгыжше шордым, шогалтыме.
Тудым светодиод лампычкан воштыр дене сӧрастарыме. Олам кӱшычын ончымо кабинан пӧрдшӧ орава воктене вераҥдыме «янлык» паркыш каналташ толшо чыла еҥым, поснак, йоча-шамычым шке сӧраллыкше дене куандареш тӱҥалеш. Кумылан-влак шордо воктелан шогалын, фотош возалтын кертыт.
Р.ЧЕПАКОВА
