УВЕР ЙОГЫН

Эн сай утарышылан шотлымо

Россий МЧС-ын Марий Элысе Тӱҥ управленийыштыже идалыкым иктешлат да эн сай пашаен-влакым ойырен палемдат.

Эн сай утарышылан Марий аварийно-утарыше службо гыч Максим Павловым шотленыт. 1-ше классан утарыш, нефть шарлыме годым аварийым ликвидироватлыме шотышто операторлан, газ-, матрос- утарашылан, компрессорщиклан тунемын лектын да пашам ыштен. Кычалме да аварийно-утарыме пашаште 300 гана участвоватлен. 2010 ийыште республикыште кеҥежымсе пожарлам йӧртымаште тыршен. ДТП дене кылдалтше случай-влак годым аварийно-утарыше ӱзгарым кучылтмо пашамат сайын пала, санденак тыгай годым шуко еҥлан полшен. 2017 ийыште Килемар районышто ДТП-лан кӧра лийше туткарым кораҥдымаштат лийын. Тидлан тудо РОССОЮЗСПАС-ын «За отличие в ликвидации последствий ЧС2» медальже денат палемдалтын.

Тыгак тудо самырык тукымым шуарымаште шкенжым чолган ончыкта. «Лӱдыкшыдымылык школ» добровольный йоча толкыныш ушнен. Тудын ямдылыме республикысе команде «Лӱдыкшыдымылык школ»  таҥасыашлаште  эре гаяк призовой вер-влакым налеш. Тылеч посна утарыше Йошкар-Оласе образовательный учрежденийласе тунемше-влак деке чӱкыдын лектын коштеш, профилактике пашам эртара.

 С.НОСОВА

 Фотом Россий МЧС-ын

республикысе Тӱҥ

управленийжын пресс- службыж гыч налме.

Опубликовать в Одноклассники

Добавить комментарий