УВЕР ЙОГЫН

Мастарлыкыштым Москваште тергеныт

18-22 ноябрьыште Марий Элын делегацийже Москваште эртаралтше «Абилимпикс» V национальный чемпионатыште участвоватлен.

Делегацийыште 17 еҥ: 11 тунемше да регионысо Инвалид-влакын мер организацийыштын, тыгак Марий кугыжаныш университетын «Кумшо ийготын университетшын» 6 специалистше – лийыныт. Нуно чыланат чемпионатын республикыштына эртыше этапыштыже сеҥышыш лектыныт.

Тений конкурс программе 65 профессиональный компетенций дене эртен. Тушто 830 утла еҥ участвоватлен. Нунын мастарлыкыштым 300 наре эксперт аклен.

Ушештарена, «Абилимпикс» тӱнямбал толкын 46 элым авалта. Российыште чемпионат тӱнямбал стандарт да правил-влак почеш эрта. Тудын цельже – паша рынкыште инвалидностян да начар тазалыкан тунемше, выпускник, самырык специалист-влакын профессиональный инклюзийыштым вияҥдаш.

М.ИВАНОВА

Опубликовать в Одноклассники

Добавить комментарий