УВЕР ЙОГЫН

Икымшат, кокымшат — мемнан

16-17 ноябрьыште Самара олаште Russian Event Award-2019 национальный премий конкурсын финалже эртен.

Марий Эл гыч темлыме проект-влак сеҥышыш лектыныт. Икымшыже  «Бендериада» койдарчык да мыскара фестиваль «Эн сай оласе театрализоватлыме представлений да карнавал» (100 тӱжем наре илыман ола)  номинацийыште 1-ше верыш лектын. Ты номинацийыштак кокымшо верым  Э.Сапаев лӱмеш опер да балет театрын почмо кава йымалне ончыкталтше «Акпатыр» оперже сеҥен налын.

Конкурсын финалышкыже спортышто идалыкысе эн сай событий семын Йошкар-Олаште тений эртаралтше Инвалид-влакын кумшо кеҥежымсе спартакиадыштат лектын ыле, но сеҥыше радамыш логалын огыл.

Палемден кодыман, финалыште элнан 51 регионжо гыч 200 наре проект участвоватлен.

 С.НОСОВА

Опубликовать в Одноклассники

Добавить комментарий