СОЦИАЛЬНЫЙ ИЛЫШ

Ончыч амыртат, вара эрыктат

Марий Элыште производствын куштыражым погымо да пытарыме сферыште законым шуктымо шотышто мониторингым эртарыме годым федеральный законым пудыртымым рашемдыме.

Общероссийский калык фронтын Марий Элысе пӧлкаже Шӱк ора-влакын интерактивный картыштым ямдылен. Тудын данныйже почеш, Марий Элыште шӱкшакым айда-йӧра кышкыме 25 вер шочын. Республикысе прокуратурын данныйже почеш, тидыже верысе кучем-влакын куштырам погымо, кораҥдыме да перерабатыватлыме пашам шот дене виктарен колтыдымыштлан кӧра лийын.

Тылеч посна специализироватлыме организаций-шамычын куштырам погымо кумдыклаштым санитарно-эпидемиологический да экологический законодательствын йодмашыж дене келшен толдымын кучымо факт-влакым рашемдыме.

 Прокуратур велым мерым ыштымылан кӧра таче кечылан куштырам кышкыме 16 тыгай верым эрыктыме: Звенигово районышто – кудытым, Шернур районышто – коктым, Килемар ден Оршанке районлаште – икте дене. Моло свалкымат кораҥдаш тӱҥалме.

Республикын прокуратуржо ситуацийым контрольышто куча.

М.ИВАНОВА 

Опубликовать в Одноклассники

Добавить комментарий