У Торъял районысо Элембай селаште почмо Шукшан богарыский заставыште «Фестиваль ремёсел» мероприятий эртен.
Тудо тӱҥ шотышто ончер сынан лийын. Кумылан-влак марий тӱран вургемым, пу гыч пӱчкедыме, кӱртньӧ гыч ыштыме, коваште гыч ямдылыме ӱзгар ден арверым, меж гыч ургымо исторический кафтаным, пушкыдо модышым, ятыр моло кидпашам конденыт. Тыгак йоча-шамычлан имбирь пряникым ямдылаш туныктымо мастер-классым эртареныт. Чумыргышо-влак, а нуно 100 утла нарын лийыныт, выставкым веле огыл онченыт, тыгак «Ремеслянная слобода» проект нерген (авторжо — верысе настоятель Сергей Бажановын пелашыже Татьяна Бажанова) каласкалымым колыштыныт.
Л.КАМАЛЕТДИНОВА