Тидым У Торъял районысо Элембай тӱвыра пӧрт пашаеҥ-влак верысе тунемше-шамычлан «Знатоки родного края» модыш программым эртарен рашемденыт.
Тудо Марий Эл Республиклан 100 ий, Кугу Отечественный сарыште сеҥымылан 75 ий темме вашеш «Йӱлам арален, ончыко ончена» этнокультурный мероприятий-влак районысо фестиваль-конкурс дене келшышын лийын.
Модмаште кок команде уш-акылжым ончыктен. Тунемше-шамычлан 7 турысо йодыш-влаклан вашешташ, сӱретым чумыраш, ойым шуяш, Совет Ушем герой-земляк-влакым, республикысе эн чапланыше-вер-шамычым палаш… кӱлын.
Тиде мероприятий жапыштак ӱдыр-рвезе-шамычым «Пелашем» марий калык модмаш дене модыктеныт, кумдан палыме марий поэт Сергей Чавайнын «Ото» почеламутшым йоҥгалтарымым колыштыктеныт.
Л.КАМАЛЕТДИНОВА
