КРИМИНАЛ

Шужен шинча

Йошкар-Олан ончычсо мэрже Павел Плотников тудын шотышто тарватыме уголовный деласе материал-влакым фальцифицироватлыме ваштареш улмыжым ончыкташ манын, шужен шинчаш тӱҥалын да голодовкым увертарен, воза «Идель. Реалии».

Генеральный прокурорлан да Следственный комитет вуйлатышылан колтымо серышыштыже Павел Плотников следователь-шамычым уголовный делам тудын ваштареш «чумыркалымылан» титаклен. Тудо бизнесмен Александр Туруевын делаштыже ӧрыктарыше тат-влак улмылан тӱткышым ойырен. Ушештарена: Туруев Плотниковым пушташ тӧчымылан титаклалтеш.

Тыгак серышыштыже ончычсо мэр Марий Эл вуйлатышын администрацийжым вуйлатыше Дмитрий Турчинын ыштыме коррупцийже-влакым радамлен. А тудыжо – Туруевын ватыжын ачаже. Плотников весыланат вуйым шийын: Турчин ден Туруевын пашам кузе ыштымышт нерген уверым следствий пешыже шотыш огеш нал, а Туруевын показанийжым, мӧҥгешла, Плотников ваштареш кучылтыт. Мутлан, ончычсо мэр палемден: регионын погыжлан шотлалтше 100 наре оралтым кучем кугыжаныш унитарный предприятий-влаклан шулдо ак дене пуэден. Тыгай торгын примерже семын Плотников калык образований тоштер зданийым ончыктен. Тудын ойлымыж почеш, оралте 30 наре миллион теҥгеаш лийын, но торгышто 100 тӱжем теҥге дечат шулдын «каен».

Шужен шинчаш тӱҥалмыж дене ончычсо мэр тудын делаже да Туруев ден Турчиным титаклымыжшотышто следствийын тӱткышыжым ойыраш лийын.

Л.КАМАЛЕТДИНОВА

Опубликовать в Одноклассники

Добавить комментарий