Йошкар-Оласе шымше созыв депутат-влак погынымашын сессийыштыже марий рӱдолан у мэржым сайленыт. Шукырак йӱк дене Евгений Васильевич Маслов сеҥен.
Тыгакше кок кандидатур темлалтын. Весыже Андрей Сергеевич Дождиков лийын. Депутат-влак ончыч кок кандидатымат колышт налыныт, йодышым пуэденыт да вара йӱкленыт.
Евгений Маслов 40 ияш. Юрист образованийым налше рвезе ончыч Минюст пеленсе Кугыжаныш регистрационный палатыште, прокуратур органлаште, Марий Элын Арбитражный судыштыжо ыштен. Тверьской областьыште пӱртӱс аралыме паша дене кылдалтше департаментым вуйлатен. Йошкар-Олаш угыч Россреестрын Марий Элысе управленийжым вуйлаташ пӧртылын. 2015 ийыште тудым Йошкар-Олан мэржылан шогалтеныт. Кудымшо созыв оласе депутат-влак погынымашын полномочийже пытымеке, тудо ола администраций вуйлатышын пашажым жаплан шуктен.
С.НОСОВА.
