УВЕР ЙОГЫН

 «Пошкит куп» лиеш

«Кугу Какшан» кугыжаныш заповедникын пашаеҥже-влак республикын бюджет окса кӱшеш эртарыме тенийысе пашаштым иктешленыт.

  Ик тыгай кугу пашаже «Килемар районышто «Пошкит куп» республиканский кӱкшытан пӱртӱс памятникым ышташ шонымаш дене кылдалтын. Тидлан палемдыме кумдыкшо Юл энерын ончыч йогымо олыкыштыжо Церкысола ял воктене верланен. Тушто Марий Элын «Йошкар книгашкыже» пуртымо 20 наре тӱрло кушкыл кушкеш. Кокытшым Российысе «Йошкар книгаш» пуртымо. Тыгак республикын тыгай книгашкыже пуртымо 26 урлык кайык, 2 млекопитающий улмым рашемденыт.

Тидын деч посна заповедникын специалистше-влак Марий Элысе  «Йошкар книган» «Кушкыл.Поҥго» томжым угыч савыктен лукташ ямдылалтыт. Законодательстве дене келшышын книгам кажне лу ий гыч лукман, а кызытсылан куд ият эртен.

 С.НОСОВА

Опубликовать в Одноклассники

Добавить комментарий