УВЕР ЙОГЫН

Тораште ила гынат

«Марийцы Карелии» региональный мер организацийым вуйлатыше Михаил Асессоровлан 60 ий темын.

2 ноябрьыште Карелийысе национальный лудмыверыште Карелий  ден Марий Эл республик-влаклан 100 ий теммыштлан пӧлеклалтше пайрем кас эртен. А ты кок регион коклаште кыл шукертак ышталтын. Тиде кылжым пенгыдемден толмаште кугу надырым лач Михаил Асессоров пышта. «Марийцы Карелии» организаций 2010 ийыште Петрозаводскышто шочын. Тушто илыше марий-влакым ушен, тӱрло мероприятийым эртара. Организацийын исполнительный директоржылан Шернур кундемысе марий ӱдыр Алевтина Войтович ышта. Тудын тыршымыж денак марла мурышо да куштышо «Акрет мари» ансамбль тушто чапым налын. Тудым Карелийыште эртаралтше тӱрло кугу мероприятийыш ӱжыт.

Пайрем касыште марий сем, почеламут шуко йонгалтын. Юбилярлан саламлымашым Карелийын национальный да региональный политике министрже С.Кисилёват колтен. Тудо М.Асессоровым калык-влак коклаште кылым, марий калыкын тӱвыражым, исторический шарнымашыжым арален шогымылан, у тукымым шочмо элым йӧратыме шӱлышеш шуарен толмыжлан тауштен. Михаил Ассесоров шкеже Курыкмарий кундемын шочшыжо. Ынде ятыр ий Петрозаводскышто ила.

 Снимкыште: М.Ассессоров; сценыште – «Акрет мари».

Йӱлаштым шуят

Москваште илыше марий-влак Моско областьысе Истринский районышто верланыше Ояр кӱсотышто шыже кумалтышым эртареныт.

 Тушто марий-влак веле огыл, моло калык гычат лийыныт, увертара тусо марий карт Эдуард Миннибаев шке соцлаштыкыштыже. Кумалтыш шке радамже дене ласкан эртен.

Снимкыште: кумалтыш годым.

Опубликовать в Одноклассники

Добавить комментарий