5 ноябрьыште Йошкар-Ола воктенысе «Корта» ече-базыште ече-роллер трассым официально почыныт. Тудым почмаште Олимпиадын кум гана, тӱнямбалын латныл гана чемпионжо, Российысе ече федерацийын президентше Елена Вяльбе, Марий Эл вуйлатыше Александр Евстифеев, молодёжный политике, спорт да туризм министр Лидия Батюкова, «Виктория» олимпийский резерв спорт школын вуйлатышыже Александр Захаров лийыныт.
А.Евстифеев толшо-влакым шокшын саламлен, Е.Вяльбелан республикыште ече-роллер трассым лўмын почаш толмыжлан кугу таум ыштен.
– Ече спорт – Марий Элыште ик эн йӧратыме тӱшка спорт, кажне районышто сайын вияҥеш, – палемдыш регион вуйлатыше. – Республикыште ты видлан ӱдыр-рвезе-влакым ямдылыше тӱҥ учрежденийлан «Виктория» олимпийский резерв школ шотлалтеш. Такшым тудо 1963 ий гыч пашам ышта. Ты жапыште тӱнямбал кӱкшытан кум спорт мастерым, СССР-ын да Российын 100 утла спорт мастержым ямдылыме. Тыште икоян, опытан специалист-тренер-шамыч пашам ыштат. Элнан президентше Владимир Путин Теле Олимпиадын (2018 ий, Корей) призёржо-влак дене вашлиймыж годым Российысе ече спорт тӱняште шке позицийжым пєртылта, ечызе-шамыч сеҥымашке шуыт манын палемден.
Тыгак регион вуйлатыше спортын кумдан шарлыше видше, ече дене куржталмашын вияҥмыже, калыкын ты вид дене кылым кучымыжо да тушко эшеат шукырак е‰ым кумылаҥдыме нерген каласыш. Таче кечылан 16,5 тӱжем еҥ ты спорт дене таҥлалтын. Латик районышто спорт школ, тренер-шамыч пашам ыштат. Нуно тӱжем утла йочам ечым йєраташ шӱмаҥдат. Мемнан спортсменна-влак элнан сборный командыштыже улыт. Марий Элыште спорт йўлам аралат, шуят. Физический культурын да спортын вияҥмыже «Демографий» национальный проектын «Спорт – илышын нормыжо» федеральный проектым илышыш шыҥдарыме денат кылдалтын. Тудын полшымо дене школлан инвентарь ден тренировкылан оборудованийым налме.
Россий ече федерацийын президентше Елена Вяльбе тений апрель тылзыште ече-роллер корным ышташ кӱлмӧ нерген йодмашыжым ончылгоч шуктымыжлан А.Евстифеевлан таум ыштыш.
– Мемнан элыште кеч-могай ече-роллер трассе, куанен каласем, мыланемат – кугу событий. Мыйын шонымаште, лишыл пошкудо регион-влак веле огыл, шуко субъект тыланда изиш кєрана. Кугу сеҥымашым, чолгалыкым, тазалыкым тыланем. Ӱшанем: тиде пырля тӱналме, ыштыме паша ӱдыр-рвезе-влаклан элнан сборный командышкыже логалаш эшеат сай шўкалтышым ышта, – мане Е.Вяльбе.
Олимпийский модмашын кум гана чемпионжо дене вашлиймаш 26 апрельыште Правительстве пєртыштє эртен. Тунам Вяльбе спортсмен-влаклан ямдылалташышт ече-роллер трассым ышташ темлен. Теве ынде сєрымышт шукталтын. Почётан уна-влак таҥасымашлан стартым пуэныт, корным ончен лектыныт.
Трассыште курыкан верат уло, савыртышат шагал огыл. Чумыр корным тул дене волгалтарыме. Спортсмен-влаклан тренировкым лийже манынак эртарашышт моткоч сай вер. Оҥай, но тышке канаш толшо-шамычат моткоч шукын улыт. Тыгак самырык ава-влакым коляске дене ужаш лиеш. Тидым шотыш налын, тренировкылан, таҥасымашлан шкешотан расписанийым ыштеныт.
Уэмдыме трассыште республик кўкшытан таҥасымашымат эртарен шуктымо. 18-19 октябрьыште тушто тўрлє район да пошкудо кундемла гыч 300 утла участник вийжым терген.
Вес ече-роллер трассым Волжск олаште ыштышаш улыт.
Такшым Йошкар-Ола воктенысе «Корта» ече базыште ече-роллер трассым 1987 ийыште ыштыме. Тудыжо бетон шартышан лийын. Жап эртыме семын корно шаланен. 2018 ий марте ик ганат олмыктымо, тєрлымє огыл. Сандене верысе спортсмен-влак тушто шот дене ямдылалт кертын огытыл.
Таче кечылан асфальт да бетон шартышан ече-роллер трассым да «Виктория» спорт школ базын кумдыкшым капитально олмыктымо. Кызыт 10664,5 квадрат метр кумдыкан трассыште да базыштыже 3390 квадрат метрыште свежа асфальтым шарыме. Ече-роллер трассын кужытшо – 2234 метр гын, лопкытшо – 4,2 метр. Автомобильым шогалташат вер уло, тыглай ошкыл кошташат корно чапле.
Ты пашан акше 9 994 530 те‰геш шуын. Ынде кумылан-влак идалыкын кеч-могай тургымыштыжо куржталын, ке‰ежым велосипед дене кудалыштын, роллер дене ямдылалтын, а телым ече дене мунчалтен кертыт.
Йєн дене пайдаланен, ты кечын уна, спортсмен-влак «Виктория» спорт школ кумдыкышто иман пушеҥгым шынденыт. Тидыже, мутат уке, марий спортын историйыштыже – шкешотан шарнымашан тат.
Е.ЭШКИНИНА.
М.Скобелевын фотожо-влак.
