Звенигово районысо краеведений тоштерыште «Память земли» сборникын презентацийже лийын. Тудым тений 8-15 августышто музейын пашаеҥже-шамычын Калык-влакын келшымашышт россий университетын аспирантше Герман Устьянцев дене пырля Провой кундемын историй сынан верлашкыже коштын савырныме годым погымо легенде ден преданий-влак негызеш ямдылыме .
Таче районын кумдыкыштыжо ола шотан кум да ял шотан шым илем улыт. Кундемын пӱртӱсшат ойыртемалтше: 100 утла ер ден эҥер, пӱртӱс да культур памятник – кажныже шкешотан историйже дене оҥай.
Сборникысе легенде ден преданий-влак кундемын тӱрлӧ жапыште да тӱрлӧ аланыште вияҥмыжым кумдан почын пуат. Марий да руш йылме дене каласкалыше краевед ден шоҥгыеҥ-шамычын шарнымашыштым пашаче группо чын деке лишке обработатлен.
Изданийым регионнан «Марий Эл Республикын 2013-2015 ийлаште кугыжаныш национальный политикыже» программе кышкарыште савыктен лукмо.
Презентацийыште Звенигово район администрацийын тӱвыра пӧлкажым вуйлатыше В.Коптелова, Мер Каҥашын еҥжше Л.Михайлова, краеведед, образований да культур аланлан пашаеҥышт лийыныт.
Палемден кодыман, районын легендыж ден преданийже-влакым тунеммылан пӧлеклалтше шымлымаш ден печатлыме изданий-влак тымарте лийын огытыл. «Память земли» брошюр краевед ден историк-шамычлан веле огыл, турист-влакланат оҥай лийшаш.
М.ИВАНОВА
