МЭТР телерадиокомпанийыште у вуйлатышым шогалтеныт. Тиде – журналист Ирина Алексеевна Фоминых.
– МЭТР-ым почмылан идалыкым палемдыме семын тематический передаче-влакым ешараш, ончыкыжым вещанийын объёмжым кугемдаш шонымаш уло. Мутлан, шкенан театрлаште шындыме спектакльым эфирыш лукташ. Вес ийын Марий Эл Радиолан 15 ий темеш. Тидланат у передаче-влакым ышташ шонена. План кугу, тудын дене изиш варарак палдарена, – мане И.Фоминых.
Е.ЭШКИНИНА