КУЛЬТУР ДА ИСКУССТВО

Кӱсле сем, кӱсле кумыл гай…

Тений Марий Элыште «Гусельки» йоча усталык инклюзивный фестиваль кокымшо гана эрта.

Положений дене келшышын, тушко регионыштына илыше 5-17 ияш инвалид йоча ден подростко, тыгак инвалидностян йоча-шамыч дене пашам ыштыше усталык коллектив-влак ушнен кертыт.

Фестиваль кок йыжыҥ дене эрта: икымше, ойырен налме (отборочный) этап, 7 гыч 21 ноябрь марте республикнан районлаштыже эрта, кокымшо, иктешлыше этап, – 30 ноябрьыште Йошкар-Олаште.

Мероприятийыште участвоватлаш шонышо конкурсант-влак йодмашым районлаште Калыкым социально обслуживатлыме комплексный рӱдерлашке, Йошкар-Олаште Калыклан психолого-педагогический да социальный полышым пуымо «Доверие» рӱдерыш пуэн кертыт.

Фестивальыште 5-17 ияш ӱдыр-рвезе-влак шке усталыкыштым «вокал», «хореографий», «костюм да мода театр», «сылнымут шомак» гай номинацийлаште терген кертыт.

М.ИВАНОВА

Опубликовать в Одноклассники

Добавить комментарий