УВЕР ЙОГЫН

Экскурсийыш «намиеныт»

У Торъялысе рӱдӧ книгагудын пашаеҥже-влак Советский поселкыш миеныт. Тушто нуно кыдалаш школышто кугурак класслаште тунемше-влак дене вашлийыныт.

Библиотекарь-влак ӱдыр-рвезе-шамычлан Марий Эл Республиклан 100 ий темме вашеш эртарыме юбилей экспресс дене келшышын «От малой Родины – к большой России» лӱман виртуальный экскурсийыш «намиен коштыктеныт». Книгагудо пашаеҥ-влак У Торъял район нерген видеофильмым, лӱмлӧ землякыштын фотографийыштым ончыктеныт да нунын нерген каласкаленыт. Поснак кызытсе жапыште возышо ӱдырамаш поэт-влак дене палдареныт. Тыгак У Торъял поселкышто, Масканурышто, Какшанмучаште (Пектубаево), Элембайыште, Тошто Торъялыште улшо черке, тӱрлӧ илемлаште але тудын воктене шыргыктен лекше памаш-влак нерген радамленыт.  Вашлиймаш жапыште ятыр сылне сем ден почеламут йоҥгеныт.

Л.КАМАЛЕТДИНОВА

Опубликовать в Одноклассники

Добавить комментарий