Кодшо кечылаште премьер-министр Дмитрий Медведев калык усталыкым вияҥдымашке надырым пыштыше-влаклан «Душа России» премийым кучыктен.
Элнан 13 субъектше гыч чылаже 15 еҥ палемдалтын. Нунын коклаште Курыкмарий кундемыште шочын-кушшо, кӱслезе-влакын «Шыжарвлӓ» ансамбльыштын художественный вуйлатышыже Фаина Эшмяковат лийын.
«Шыжарвлӓ» ансамбль республикыштына веле огыл, вес кундемлаштат сайын палыме. Тудын репертуарже тӱрлӧ калыкын мурыжо, семже дене поян. Кӱслезе-влак ятыр конкурсышто, фестивальыште мастарлыкым ончыктат да сеҥыше радамыш лектыт.
Меат Фаина Эшмяковам награде дене саламлена да ончыкыжымат пашаштыже чыла сайым тыланена.
А.БАЙКОВА