11 октябрьыште Чебоксарыште регион-влак кокласе «Семицветик» IV фестиваль эртаралтын.
Тушко Юл кундем федерал округын шым регионжо гыч 200 наре самодеятельный артист да кидмастар ушнен. Марий Элын чапшым Морко район гыч «Шӱмсем аршаш» ден Марий Турек район гыч «Рвезылык» ансамбль-влак араленыт.
Мероприятийыш ушнышо чыла участниклан фестивальын символжым, а сеҥышылан дипломым да пӧлекым кучыктеныт.
А.БАЙКОВА
