РФ Следствий комитетын Марий Элысе следствий органже-влак Йошкар-Оласе Рӱдӧ каныме да тӱвыра паркын директоржо Андрей Шестаковым кученыт. Тудо шуко оксам, 5 миллион теҥгем, келшен толдымын кучылтмылан титаклалтеш.
Преступленийым ыштымым Россий ФСБ-н Марий Элысе управленийжын пашаеҥже-влак пален налыныт.
Следствийын шонымыж почеш, рашемдыдыме жап гыч 2019 ий май марте Шестаков учрежденийлан пайдале огыл ойпидыш ден контракт-влакым паленак ыштен. Тыге парклан 5 миллион теҥге эҥгек лийын. Ты факт шотышто уголовный делам тарватеныт.
Кызыт Шестаков СИЗО-што шинча. Тушто тудым преступленийым ыштыме чыла обстоятельствым рашемдымешке кучат.
Л.КАМАЛЕТДИНОВА
