ЙӰЛА

Святой дене кылден

Шукерте огыл Свято-Троицкий Сергиевый лаврын Успенский соборыштыжо православный святой Сергий Радонежскийын кечыжым палемдыме годым литургийым Москон да Уло Русьын патриархше Кирилл эртарен.

 Тудын деч вара патриарх тений черке пашам вияҥден колтымаште ойыртемалтше архиерей-шамычым тӱрлӧ награде дене палемден.  Йошкар-Ола да Марий митрополит Иоаннлан тудо панагийым кучыктен. Панаги́й — шергакан кӱ дене сылнештарыме Юмо Аван образше. Тыгайым архиерей-влак вичкыж шинчыр дене оҥышто нумалыт.

 Каласен кодыман, эртыше кечылаште Сергий Радонежскийын шочмыжлан 705 ий темме лӱмеш ончер Йошкар-Оласе Православий тоштерыште почылтын. Тушто ты святойын илыш корныжо, тыгак Российыште монашествын историйже гыч шуко уым пален налаш лиеш.

С.НОСОВА.

Опубликовать в Одноклассники

Добавить комментарий