УВЕР ЙОГЫН

Яра жапым – оҥайын да пайдалын

Эртыше рушарнян С.Г.Чавайн лӱмеш национальный библиотекыште кугурак тукымлан пӧлеклалтше «У старт. 55+» тӱвыра-сотемдарыше проектын кумшо сезонжо тӱҥалын.

Книгагудо пашаеҥ-влакын мутышт почеш, илалше еҥ-шамычлан яра жапым оҥайын да пайдалын эртараш шуко йӧн пуалтеш: Российын да шочмо кундемын историйышт гыч тӱрлӧ факт, тӱнямбал живопись ден киноискусствын эн сай произведенийышт дене палыме лияш, у да шуэн вашлиялтше книга коллекцийым ужаш, йӧратыме журналлам лаштыклаш, оҥай еҥ-шамыч дене вашлияш, республик мучко путешествийым ышташ, тыгак икте-весе дене палыме лияш, у йолташым муаш…

Проектын пашашкыже икмыняр направленийым пуртымо, тиде – «Мыйын Марий кундемем», «Интеллектуальный среда», «Таза лий», «Англичанла мутланена», «Усталык шонанпыл», «Технологический ликбез» да молат.

Проектын кышкарыштыже «Вдохновений» (поэтический) ден «Марий Эл Республик мучко, да веле огыл» (путешественник-влакын)  кок клуб пашам ышта.

М.ИВАНОВА

Опубликовать в Одноклассники

Добавить комментарий