Йодыш-вашмут
Мылам сентябрьын ик кечыжлан корно правилым пудыртымылан штрафым тӱлаш кагаз толын. Но мо оҥайже, тунам мый республикыште веле огыл, Российыштыжат лийын омыл. Машинамат мӧҥгыштӧ огыл, а стоянкыште шоген. Тыгай годым кузе лийман? Мом ыштыман?
Михаил
Параньга район.
Тиде йодышлан МВД-н Марий Элысе кугыжаныш инспекций управленийыштыже тыге вашештеныт:
— Тыгай годым административный штрафым тӱлыкташ палемдыме нерген пунчалым налме жап гыч 10 кече жапыште штрафым обжаловатлаш лиеш.
